Tur i sol og regn

Søndag er turdag. Ikkje noko eg har praktisert nitidig. Men av og til slår det til. Slik som i dag.

 

Eg tenkte det da sola tredde fram på himmelen etter regnet. Tur, tenkte eg.

Eg koka ei kantarellsupe av kjøpt kantarell før eg for. Skulle bli godt når eg kom heim igjen.

Da vassflaska og fotoapparatet var på plass og boffen var i bilen, da hang skyene tungt på himmelen. Men skal ein, så skal ein…….

Boffen og eg trampa oss opp og over steinar, berg og myr.

Så var vi på toppen med utsyn over vatnet.

Her er stranda som eg og yngste hadde ei treningsøkt på i sommar. Her skreiv eg om bading i 12 grader.

Nokre kan sjå mykje ute i naturen. Men denne trollkjerringa var eigentleg svært så tydeleg.

Plutseleg ser eg noko gult i skogbotnen, og jau…….trur du ikkje det var kantarell. Dei måtte væra med heim.

Sol og regn.

Det kan væra ei fin stemning når dei to vêr typane opptrer samstundes.

Til slutt var vi komen bort til elva, og den måtte vi vea over. Boffen peip frenetisk.

Han er ikkje glad i vatn. Så han sprang att og fram på elvebredda da eg hadde gått over. Så vart det litt stille, før pipinga starta enno sterkare……men eg såg han ikkje. Eg gjekk attende, og der hang han.

Han hadde kome seg over, men peila seg inn der elvebredda var for bratt til å koma seg opp. Så han hang med kroppen oppover skråninga og bakføtene i elvevatnet.

Flinke boffen. Han prøver.

Da han fikk litt hjelp klarte han det. Og eg skraut uhemma av han.

Resten av turen rundt vatnet gikk etter veg. Eg brydde meg ikkje om å ta på meg skoa etter vassinga. Det å gå barføtt på grusveg i regn i september gjev ei spesiell og god kjensle. Noko med friheit.

Og kantarellsupa smaka da eg var heime att, godt fornøgd med den ein og halve timen turen rundt vatnet tok. Kantarellen eg fann får eg bruka ein annan gong.

12 kommentarer
    1. dere fikk en herlig tur,og berføttes i regn i september,ja det må være et sommerbarn i deg hi hi.Nydelig fine kantareller fant du også,vi såg etter sopp i dag men fant ingen,men tyttebær fant vi masse av 🙂

    2. Mye natur der. Og så eventyrlig med den treroten…
      Men du, det kan hende det straffer seg å gå barføtt i September. Så om du får forkjølelse eller urinveisinfeksjon så vet du hvorfor….:)

    3. frodith: Boffen er nydelig, men tror ikke turen hjalp for en mer modig og mindre vassredd hund…han har gått denne turen før. Og når vi bader piper han :).

    4. fruensvilje: Antakelig….sommerbarn….fint sagt :). Burde nok vært ute mer og sett etter bær og sopp. I fjor fant jeg kantarell ikke så langt fra huset, burde vært der og sett etter. Tyttebær kan brukes til så mye :).

    Legg igjen en kommentar

    Obligatoriske felt er merket med *

    Takk for at du engasjerer deg i denne bloggen.
    Unngå personangrep og sjikane og prøv å holde en hyggelig tone selv om du skulle være uenig med noen.
    Husk at du er juridisk ansvarlig for alt du skriver på nett.

Siste innlegg