Eit strøk av veka

Denne veka kom og gjekk også. Eg har lagt til enno fleire mil på kilometerteljaren. Bilen er god å ha dei fleste dagane.

 

Søndag på hell.

Våt og kald.

Eg har rett og slett tent opp i omnen. Det gjer godt.

Gårdagen var bada i mai-sol. Grøn og ljosnande gjekk dagen.

Veka har og vore fin. Etter kalde dagar fossar det vårleg fram. Naturen vert pynta med blomar.

Midt i veka sprang 17. mai ut. På tv’n sprudla barnetoga mest ut av tv-apparatet.

I mitt hus lukta det ikkje reint og nystroke av bunadskjorter i år. Dei hadde flytta seg til Trondheim.  Etter eit kvart hundreår skulle eg feira dagen utan ein einaste av ungane mine. Eg vart spurt om å koma dit. Men da hadde ikkje foreldra mine fått med seg feiringa anna enn på tv.

Valet vart slik lett. Så eg køyrde og henta dei til samfunnshuset.

Der kunne vi få kjøpt oss både lapskaus og kaffi og kaker.

Ute var det leikar som det har vore i alle år.

Etterpå tok eg foreldra mine med på ein køyretur i den jublande mai-dagen. Eg plukka og opp ein onkel som var ute og gjekk. Og der i bilen var det ført ein tunghøyrd samtale om stadane vi køyrde forbi. Om det som hadde vore. Og eg trur dagen for den aldrande gjengen vart løfta enno litt meir.

 

 

Veka inneheldt meir gammalt.  Både onsdagen og fredagen var eg veg å såg på gamle hus. Fleire skular……

……..og mange sjøhus.

Svalgongsbrygger med stokkar kvite av salt sjøvatn.

Eg synest dei er så fine. Eg vert mjuk og lukkeleg inni meg.

 

Helga har eg kosa meg gjennom i eige selskap. Eg oppleve den fin om sola skin eller om det regnar. For etter å skulla både det eine og det andre er det godt å ikkje skal noko. Og enno har eg nokre timar att der det berre skal væra slik.

 

Du må nyta søndagskvelden din.

 

6 kommentarer
    1. godt dei gamle har deg )) du er flink til å ta vare på dine foreldre snill som du er )) mange fine minnesmerker har du opplevd,levde hus og vakre bilder )) nyt resten av kvelden du også

    2. Høres jo ut som en flott uke 🙂 Jeg tenker jo på 17. mai og det å glede de eldre. Det kan man ikke gjøre bedre enn det du gjorde <3
      Nydelige bilder av gamle bygg. Det er sjel i sånt 🙂
      Ha en flott ny uke, og en strålende dag i dag <3

    3. fruensvilje: Det gir en god følelse å se folk blir glade, så da blir ikke gleden mindre for meg :)))).
      De dagene vi var på befaring var vi så heldig med været. Mye fint å se.
      Ønsker deg en fin uke.

    4. Eva: Uka var fin, mye jeg grudde meg til – men var “seierherre” da den var over. Både å klargjøre befaringen og greie å komme meg til de, i vinter har kroppen min blitt ubrukelig. Så på fredag var jeg bortimot frenetisk fordi det var over og jeg hadde KLART:D. Men det er mye vakkert en får se og det er artig.
      Ha en riktig nydelig dag Eva <3.

    5. Jeg er så glad i gamle bygninger, både av tre og sten. Det er noe behagelig for øyet å studere dem :o)) Det er koselig å ta med foreldrene ut på tur, uansett hvilken dag det er. Jeg pleide også å gjøre det da de levet :o))

    Legg igjen en kommentar

    Obligatoriske felt er merket med *

    Takk for at du engasjerer deg i denne bloggen.
    Unngå personangrep og sjikane og prøv å holde en hyggelig tone selv om du skulle være uenig med noen.
    Husk at du er juridisk ansvarlig for alt du skriver på nett.

Siste innlegg