I morgon fer vi på fjellet og badar sa vi i går. Etter vi forsto vi mest ikkje kunne det da…….

For i går, i går var ein vêr dag. Som starta med steikande sol og frukost på terrassen. Så både graset kunne slåast og kroppen solast……..tenkte eg.

Annonsørinnhold

Hoka på salg: Kupp årets modeller til nedsatt pris

Men så skya det over og plutseleg var levenet laust. Det slo i dører og møblane på terrassen vart enormt livlege med puter strødd utover. Så medan vinden reiv og sleit fekk eg organisert etter beste evne. Friskt var det, litt slik å sloss mot naturkreftene….. Og verre skulle det bli.

Han Tor tok reisa si over himmelen med bulder og brak. Og boffen som ikkje er glad i han Tor, bjeffa i veg. Skikkeleg hurlumhei var det. Og som det ikkje var nok, vart det strødd sukker over landskapet. Men hallo…….det var ikkje sukker, det var hagel ein sommardag i august.

Så du forstår at i går var det ingen dag til å bada i -.

Dagen i dag start grå og skikkeleg trist med regn og regn og regn. Vi to i huset fann ut at litt slik reinsing var nok riktig i dag……..av både klede og til innvortes bruk. Så medan vaskemaskina rullar med magen sin for reine klede, laga vi oss ein juice av eple og pastinakk. Og ja, tusen takk, den smakte søtt og godt.

Og akkurat no kom sola fram, så kanskje vi kan ta fri frå tankane om framtida, reine klede og pakking for dagar som straks kjem.

Kanskje vi kan ta oss eit bad etter ein springartur i sanda på stranda…………??????

Og gjer vi det skal eg jammen dokumentera hendinga.

Men no regnar det igjen……………… 

Sola, sola, sola…….den var her mest heile dag i går. Og da vil ein gjerne så mykje……

Det ropa på meg frå alle kroker. Hit, hit sa det. Du må komme hit, du må gjera ditt og du må gjæra datt.

Annonsørinnhold

Netthandelen tømmer lageret: Siste sjanse på kvalitetsvarer med opptil 75% rabatt

Eg rista på hovudet……blir så frykteleg kjasete av slikt mas. Eg kan ikkje alt, og alt set seg fast som ein propp liksom. Ristinga hjelpte og tankane kom i driv.

Så eg ropa til yngste som var nede. Og ho var heilt med på plana.

Vi hadde snakka om setertur, men eg hadde og snakka om å ta med meg foreldra mine opp. Dei hadde ikkje vore der i sommar.

Dei sa tvert ja til planane. Så vi dura i veg, innom butikken for å handla inn til graut og spekemat. Eg hadde berre shorts og topp med knyting bak nakken. Så eg tok etter jakken. Da reagerte yngste, kvifor skulle eg det………. Så eg valte å prøva turen innom butikken så lettkledd.

Der var det fullt av folk, der var det mange turistar, mange var sikkert slike fisketuristar i utgåva menn, frå Mellom-Europa. Der var det innvandrarar og folk frå jobben. Og eg følte dei stirra….., veit ikkje om dei gjorde, på denne godt vaksne dama med mage og hengpuppar……. Men eg fauk som ein prosjektil gjennom butikken og sette ryggen mot dei fleste, så ukomfortabel er det lenge sidan eg har følt meg.

Og dottera lo av mor si, som vart så forknytt av sin lettkledde framtoning. Det er ikkje så lenge sidan eg kunne gå gjennom verkelegheita tynn og langbeint med ein kropp som sat meir fast, så eg veit kjensla. Berre ein liten jakke hadde hjelpt meg i går. Så slik skal ikkje eg gå på butikken i lokalmiljøet mitt meir. Yngste skal få le.

Men vi kom oss opp. Eg hadde litt startproblem, kvar var fyrstikkene og virka gassen……? Til slutt var det berre flatbrødet som var fråverande, og det fekk våga seg.

Vi hadde ein storveges dag, og foreldra mine kosa seg og skein i kapp med sola. Og dei fortalte historier frå sin eigen ungdom.

Vi køyrde oss ein tur innover til eit fellesbeite. Og vi lo godt da mor uttrykker sin meiningar om kor dumt ho synest det var at folk ikkje heldt sau lengre. Ho hadde ikkje før sagt setninga frå seg ein gong før det dukkar opp mengder av sau frå det djupe graset langs vegen.

På turen attende stoppar vi attmed eit vatn. Yngste og eg hadde tatt med oss badedrakter. Ho vassa først uti.

Eg etter.

Og langt ut i august er vatnet framleis ISKALDT. Kjente det isa i beina. Eg kom meg litt lengre ut før eg dukka meg så fort nedi at mest badedrakta ikkje vart våt. Og eg synest det heldt. Men yngste meinte det vart for dårleg. Vi sto der omtrentleg fem meter frå kvarandre.

“Eg skal symje bort til deg” sa eg.

Så eg la meg ned og tok nokre få, små tak.

Så no kan eg seie eg har bada.

Ein dag i august. Ein dag i ferien. Andre ferieveka har starta. Og eg, eg sviv i rundt i mi eiga verd.

I går tenkte eg opp til fleire ting……tenk det.

Litt ironi ein måndag.

Eg vakna til dagen seint, men oppdaga at dagen smaka sommar. Ute på terrassen blomstra det, og temperaturen tålte absolutt lette klede – til tross for at også skydekket var lett.

I går tenkte eg at eg skulle både ta ein tur på ei fotoutstilling og vitja naboar der vi budde før. Samtidig som eg henta yngste heim og fekk levert ein pressening som høyrde faren til. Dei hadde og så mykje kattemat med seg oppover som det var greitt å få hit til dei som skulle ha det. Slik tenkte eg.

No vart det berre til at eg henta eine jenta mi. Den andre jenta mi, den mellomste, sa: “har du lest kortet mitt no mamma?”

Ho hadde laga eit fødselsdagskort, som eg ikkje tok meg tid til å lesa da eg fekk det på dagen. Og etterpå har det berre dukka opp i små glimt i husken. Men aldri samtidig med både tid og å ha kortet i handa. Eg kjente eg vart lei meg over meg sjølv. Kva for mor var eg eigentleg?

I dag fann eg fram kortet. Saman med tid. For eg ville ha tida til å kosa meg med det når eg las det.

Eg vart rørt. Mi fine, gode mellomste.

Henta og all kattematen, kattmat som dei ikkje kan selja på butikken der kjærasten til sonen min arbeider. Fordi emballasjen har vorte skadd. Så ho tenkjer på oss og dyra våre. Ho er og ei fantastisk jente.

Samtidig vart eg overraska med ein pakke frå dei der sør. Ei fødselsdagsgåve. Kjempespent pakka eg opp.

Og eg vart så glad for gåva. Eg synest mat er veldig spanande. Pai er eg svært glad i. Og her var det både oppskrifter og ei lita, nett paiform. Det var og med eit krydderglas, men det er ikkje med på bilete. Tru eg må testa ein av oppskriftene i dag.

Fekk forresten ein flaske vin frå x’n, men ikkje den same flaska han fikk frå meg…ha ha.

No dukka yngste opp, ho trudde det var dårleg vær, så ho hadde tenkt ho berre kunne sove.

No ska vi kose oss med dagen, sommaren og ferien.

Ha ein riktig fin dag. Er det sommar hos deg?

Det er kveld. Eg sit ute men skal straks gå inn. Ser mest ikkje bokstavane på tastaturet.

Annonsørinnhold

Superkupp innen sport og friluft du gjør nå

Det er ikkje så ofte ein kan sitja på terrassen i lette klede når det nærmar seg midnatt og ein bur på Nordmøre. I kveld går det an. Eg har tend talgljos og slått i eit glas vin.

Himmelen er ljos i vest med lett teikningar av skyer.

Det er så godt å kunne kosa seg.

I dag måtte eg på Kyrksæterøra til veterinær og kjøpe hundemat. Eg spurte mor og far om dei hadde lyst på ein tur i dag. Og slik vart det. Vi åt middag og handla der. Og så køyrde vi oss ein tur. Valet vart Kårøyan, ein gard som ligg oppom Vinjeøra ein mil innover skogen. Der ligg ein gard som har servering. Da vi kom innover møtte vi ei lita jente som kunne fortelja at det berre var opent i helgene. Men turen innover var fin med mykje idyll.

Så om det ikkje vart nokon kaffikopp der tok vi den her hos meg. Eg steikte vaflar og tok opp Sunndalsgraut frå frysaren. Etterpå sendte eg restane med gjestane. For slik kost må eg passa meg for. Så køyrde eg foreldra mine heim.

Og etterpå tok eg med meg eit vinglas ut på terrassen. Sjølv om mykje av dagen har vore i bil, kjenner eg at dette har vore ein ekte sommardag. Ein god dag som rommar sommar på sitt beste. Og eg nyt.

Eg kjenner plutseleg eit gledeshopp. Hjarta som gjer ein piruett. Av glede. Over ferie.

Berre tanken og den varme lufta set i gang ein endorfindusj i mitt indre. Eg kjenner eg vert så hoppande glad. Eg kjenner gamle kjensle dukkar opp. Frå da eg var ung. Rusla barføtt ut på terrassen  ein sommardag. Vatna den eine verandakassen eg hadde. Skulle noko -. Ha heile livet framom seg utan å vete kva det kom til å innehalde.

Annonsørinnhold

Netthandelen tømmer lageret: Siste sjanse på kvalitetsvarer med opptil 75% rabatt

I dag kjende eg dette, den same gode sommarkjensla, rusla ut, lese bok, ha tid……

Sola fekk eit slør av skyer framom seg etter kvart, og verda vart mest turkisgrøn.

Sommarferien min utan ei tidsbestemt plan, utanom at eg tenkte hjelpe jentene med det som dei måtte ha hjelp til før eit nytt skuleår. No har begge husvære for året. Mellomste har tinga sine hos faren og vil flytta inn i neste veka. Yngste vil reise til byen før neste helg.

Eldstemann har fødselsdag no til fredag, og i dag, etter ein prat med han, vart vi einig om at eg ikkje kom nedover til dagen. Eg hadde ikkje lagt heilt frå meg dette at kanskje eg kunne finne nokon til å passe boffen. No kan eg leggje frå meg den tanken. Og eg kan ta ein tur ned til Oslo når systera mi, som leier nedunder, er attende. Vi passar hundane åt kvarandre når vi kan.

Så frå neste helg er eg fri til å finne på noko for min eigen del, for da eg jentene klare for sine liv og skulegong. Da kan eg sjå på mitt gjennom rosa glas.

Akkurat i skrivande stund har eg nett fylgt yngst ned til bussen. Eg må nok berre finna meg i å dele samværet med dei mellom alle venene og faren. Slik er det og slik ska det væra.

Så no har eg nokre dagar i eige selskap. Eg trur eg skal ta kontakt med ei venninne, eg skal ta turen framom foreldra mine og kanskje ta dei med på ein tur, eg skal pusle med ting heime, eg skal ta meg tur i skogen, eg skal leva på mine premissar.

Eg koser meg skikkeleg og har det så fint i seinsommarferien min.

Ludvig, Lucas, Cleo og Miranda i avslappa sommarleg sameksistens.

Etter ein dag med sol har sola gøymt seg attom dei grå massane. Og eg sit her min kvite stol og er mest borte etter turen med kassane. For eg er har ferie og er klar……..

Kva eg klar til?

Annonsørinnhold

Hoka på salg: Kupp årets modeller til nedsatt pris

Nei, nei, ikkje slik……

Eg er klar som i sliten. For eg synest det er fantastisk godt og sitte her. I stolen, Sjølv om data’n øver opp tolmodet mitt, for nokre bokstavar må eg slå ekstra hardt på for å få. Og space-tasten må eg treffe midt på, om ikkje vert alle orda drege saman til eit laaaangt uforståeleg ord som eg må rydda opp i. Når ein skriv med slikt må tolmodet fram.

Men i går altså, da tok vi turen over bruene og med ferga og med tilhengar. Etter ein god frukost. Der vi laga oss juice og laga omelett med urter frå hagen. Slik at vi måtte ta bilete fordi vi syntest det såg så godt ut. Og det var så klart det.

Så no har yngste flytta inn og fått sett på plass hos seg. Ho prøvebur i helga. Fekk melding i går kveld om at det vart så koseleg. Ho hadde vennetreff og dei var bokstaveleg talt hoppande glad for å sjå kvarandre. Dei hoppa rundt på gata da dei møttes. Slik er det og væra 18 år.

Og eg sit her i dag. Og er klar. Heilt klar til å gjera ingenting. Litt slik i ingenmannsland, litt småbekymra, litt svolten og tenkjer eg må ta tak. Eg har dagen der på. Det har gått i hektisk tempo frå eg sa ferie på torsdag. I dag har eg første dagen på lang tid utan plan.

Så først vil eg slappe av. I stolen min, som er kvit. Kanskje eg skal skifte over til det grå trekket. Det er finare.

Endeleg, endeleg…..eg vil dra på eventyr, eg vil ha ro, eg har ferie. Eg er fri……… Endeleg er ferien her.

Annonsørinnhold

Superkupp innen sport og friluft du gjør nå

I går var lista lang. I går ettermiddag var den ikkje ein gong halvert. I dag gjekk eg på…..med……. dødsforakt, og i kveldinga gula eg ut siste punktet. Det var at eg la inn svar på e-postadressene mine at eg ikkje var attende før 31. august kl. 9.

Korleis trur du det føltes???

Eg boksa i glede ut i tomme lufta, og så gjekk eg inn på butikken og kjøpte feriekos for kvelden. Begge jentene var komne heim, yngste med ny seng. Den hadde mellomlanda her til vi får dra den med vidare på laurdag.

“Smågodt” sa mellomste.

“Salsa” sa yngste.

Og slik vart det. Mor sjølv sa “eggelikør”.

Eg skal steike Pavlova og sylte ingefær i kveld. Til i morgon.

Men først er det kos på søtt og salt på høgt plan.

 Dagen starta med at da eg køyrde heimafrå oppdaga eg at det var set ut plastsekkar så eg skjøna det var plasttømming. Eg snudde bilen og henta mine to sekkar. Da eg kom attende sette eg sekkane inn i et skur. Framme i vegen kom ein bil med blinkljos. Eg rakk å starta så vidt, da såg eg det var søppelbilen som kom for å henta plasten. Så der må eg seia eg hadde marginane på mi side.

Da eg rydda opp på pulten min ved enden av dagen vart eg vars eit papir under skriveunderlaget. Eg tok det fram og fikk sjå at inni papiret låg kvitteringa på eit utlegg eg hadde hatt i mars. Gjett om vart glad for å få dei pengane attende.

Bra start får ein seia.

Så no skal eg flagra med tærne, kasta på håret, blinka mot verda og flørte med fridomen fire veker til ende.

Dagen er ved slutten, akkurat denne er det…..for nye står og venter fint oppstilt. Som perler på ei snor. Snart kjem første ferie perla.

Annonsørinnhold

Netthandelen tømmer lageret: Siste sjanse på kvalitetsvarer med opptil 75% rabatt

Det er 29. juli og eg har vore å henta ved. Det er koseleg med flammar i omnen her eg sit og et ein middag, sjølvkomponert med glasnudlar og kjøttdeig…….ikkje heilt treff, men ok. I går orka eg ikkje laga meg middag. Det var i går og slike dagar har eg ikkje så mange av.

I dag kan eg konstatere at ferien ikkje startar i dag men i morgon – i morgon ettermiddag. Det gler eg meg til.

Da eg sto opp i dag hadde eg lyst til å stressa, men så bestemte eg meg at akkurat det ville eg ikkje. Kom eg ein halv time seinare enn tenkt gjekk verda ikkje under. Eg hadde ingen avtale. Det gjorde godt for eit hovud og ein kropp med vonde strammingar. Berre gå roleg og tenkje ein tanke i gongen. Køyre fint mest under fartsgrensa og høyre lydbok. Vera til stades akkurat der eg var. Eg har klart denne øvinga i heile dag.

Dei første dagane av ferien min er det lagt planer for.

Fredag er det feiring av mor, ho fyller 83 år. Har lova og laga ei Pavlova med mykje frukt oppå. Trur eg skal sylte ingefær også, for det gjev eit så godt sting.

Laurdag køyrer vi alle kassane til Kristiansund, kassane til henne som skal flytte dit igjen.

Så har det passa og tatt desse dagane på setra …. men kanskje for få dagar til disposisjon akkurat no…… ?!

Torsdag i neste veke reiser jentene og faren ned til Oslo for å feira eldsmann sine 24 år. Eigentleg skulle eg nedover og, men eg har ingen til å passe boffen. Akkurat det er litt trist og ikkje vera med å feire han som kom for 24 år sidan…..men kan ein ikkje så kan ein ikkje.

Eg må nok få sjekka bilen, for eg likar ikkje lydane heilt. Så skal eg på lengre tur bør eg nok det.

Elles har eg myke eg kan gjera, eine husveggen må målast, grase skulle vore teke og det er myke meir eg kan gjera ute. Og nokre turar i nærmiljøet må eg få til.

Enno har eg nokre planar til som ikkje er tidfesta enno. Eg sit her no med ein kjempe god kjensle av at alt ligg framom meg.

Eg nyt det. Ha alt framom. Ein må prøva å nyta alt dobbelt – når det skjer, men også medan ein gler seg til at det skal skje.